Vol-2 Issue-1 January 2010

Zanniat Auaw

Laai suahnia: 2 Jan. 2010

Volume 2 : Issue 1

Isiah 60:12 “Bawipa na per hiam lo miphun le ram te tu hnawmcan in om tuh ai, paai sek tuh i.”

January

2010

Thailand in Burma buhfai daihlo

29 Jan: ASEAN Free Trade Agreement (AFTA) daan heh tun thla in nung pan hang ai, he sumpaihnak thula ah Thailand khai fumfe thil tuhin a ram songah buaipui pan hang ii. Thailand ah man tlawm ngaiin Burma ram in buhfai let tiohnak khai fimkhur pan ii. Burma ram in man tlawm ngaiin buhfai lut de ai, Thailand ram ai lovai te ca sumpaihnak lam buai ruai ngai maan ii.

Thla 9 song (2009-2010) ah Burma in Russia, Ukraine, Australia le South Korea ram te tianin buhfai zuar hang ii. He a zuar zo hnak te heh 1.2 million ton dung ii tiin mithiam te in rel ii. Burma ram in Middle East, African le European Union ram te tian khai buhfai zuar tum teng ii.

Kum siar Burma ram in buhfai 5 million ton zuar pha nai ii. Burma ram heh 676,500 square kilometer ii. 1930 dung fangin Burma heh laivum ah buhfai zuar tam ber ram i awng ii. Inapui tun tu Thailand le Vietnam te te sawn heh laivum ah buhfai zuar tam ber i hang ii.

2010 thula ah Wa te daihdaan

07 Jan: United Wa State Army (UWSA) in 2010 kum Ralkap Acozah tumtahhnak te thawn pehparin a daihdaan rel ii. He thula heh UWSA te in Lt. Gen. Ye Myint hnenah lai kuathnak ah lin ii. He laai ah Wa ralkap heh Ralkap Acozah hnia ah um lungkhim napui Wa State ralkap hotu ber (Commanding Officer) heh Wa mi i tuh ai, he hotu ber hnia ah bawi 2 (second-in-command) um tuh ai, 2 lakah 1 heh acozah lam i tuh ii. Wa ram thula ah ah, tun hlan ah Meng Pauk, Meng Phyin le Wan Hong ram te heh Wa ram i awng ai, Meng Pauk le Meng Phying heh township 1 ah pom sah tuh in, hetin Wa in district 2 le township 6 nai awnghnak township 7 nai tuhin ngen ii. Ralkap acozah lam in thula lin lailo ii.

UN mi Burma ram tlawn tuh

27 Jan: Burma ram UN special rapporteur Tomas Ojea Quintana in 14- 20 Feb nia tian Burma ram tlawn tuh ii. 2009 kum song ah vai tam ngai Burma ram ah lut thil tuhin Ralkap Acozah hnenah ngen de napui acozah lam in remcang lailo ii tiin lo ti de ii.

Tomas Ojea Quintana heh May 2008 ah Geneva ah nemhngethnak ii. Special rapporteur a i hnua ah Burma ram heh vai 2 tlawn ii. Avai 2hnak heh Feb 2009 ah ii. 2009 kum ah Tomas in Burma ram thula ah thawngto mi 2,156 suah tuh ai Ralkap Acozah thawn thurel tlanghnak lam nai tuh in thuthanhnak nai awng ii. 2010 Election hlanah thil 4 hlawhtling ruai tuhin hetin ngen fawm ii. 1) Thawngto te suah tuh 2) Acozah daanpui heh laivum minung dikhnak le covo dinhmun thawn rem tuh 3) ram rorelhnak (Judiciary) rem tuh 4) Ralkap dinhmun rem tuh.

Burma Acozah in SEA Game ot ve

20 Jan: Burma ralkap acozah in South East Asian Games 2013 a vai 27hnak bawn tuhhnak a ram ah bawn tuhin Stadium thar Naypyidaw ah sa pan thu www.SoccerMyanmar.com ah than ii. Stadium 1 tu mi 30,000 thualhnak i tuh ii. 2011 kum ah Burma heh Vietnam le Phillipine thawn aisu in SEA Game co tuh tihnak zuamdun tuh ii. Singapore in 2013 hlanah a ram ah a a kulhnak te bawn man tuhlo maanin dung tolh ai hetin Burma khai tel tum ve ii.

NLD in Committee thar din tuh

20 Jan: 18 Jan. nia ah National League for Democracy (NLD) ai Central Executive Committee (CEC) member a that 9 thun hnua ah a vai 1-hnak CEC meeting nai ai hnuata ah Central Committee (CC) ah tharin hoidun tuh daan tawlrel tuh thu suah ii.

1988 kum fangin Party ah buaihnak roh ngai um awng ai hetin danglam tumhnak nai pan ii. Jan 11 2010 nia ah member 9 lang bet ai CEC heh mi 12 in 20 khim ii. Inapui CC meeting nai fangin CC heh member 80 in 120 tian khim tuhin tumtahhnak nai ai, pawlkom haat tuhin Mino le Nubu (Youth and Women) lam khai fumfe tuhin tumtahhnak nai ii.

Hetih bang ai NLD danglam ruaihnak tumtah-hnak te lakah kum rai ngai thawngto te suah tuhhnak te khai tel ii.

2012 ah Laivum bo tuh maw??

2012 kum ah lailung pui hnawm tuh ai minung veksen dawn thi tuh thula heh tundung thang ngai ii. He thula a pom tute hmudan le relhnak te heh hetih bang ii:

Nostradamus in “Lailung heh 2012 ah thil haampui in khi tuh ii”.

Einstein in “Lailung vir dan heh danglam leh tuh ii, minung te in tuar ngai tuh ii”.

Mayan miphun te in “2012 kum ah Lailung in kum siarhnak caan athar pan saal tuh ai, 2012 kum heh Lailung caan com nia i tuh ii. Cetin 2012 hnua fangin Lailung ai kum siarhnak khai a ham pan saal tuh ii” ti ii. Maya te in Tzolkin/Mayan Calender hmang ti ii.

Mayan miphun te in san siar daan ah tu Lailung caan le kum siarhnak heh 11 Aug. 3114 BC ah pan ai 21 Dec. 2012 ah bo tuh ai cetin caan thar pan tuh saal ti ii.

Bible code hmangin Hebrew songah he thula um ti ii.

1983 ah US ai van lam buaipuitu NASA in Setellite IRAS (Infraret Red Austronomical Setellite) hlat ai, Jupitar tia thil haam pui hmu zo ii. He thil heh Planet X (Nibiru) tiin ko ii.

Hebang lailung te heh 7 um ai 7hnak heh Nibiru ii. Hlan mi pawl in 6hnak heh lailung bang ai, hetah minung ngaw puipui / Mihlun te Pathian (Giants / Gods of Old) te umhmun ii ti ii.

Planet Nibiru in 2012 ah Lailung (Earth) le Ni (Sun) karlakah zuang tuh ii. Nibiru heh kum 3600 ah vai 1 lailung khi de ai, tunhlan kum thawng tam ngai ai Atlantis san ai khuapui le minung te cimithnak, Noah san ai lilik te thlentu ii ti ii. Aisu bawnhnak linlo Stonehedge le Easter Tikulh ai minung lu bang lung ngaw puipui te heh tunhlan minung te bawnhnak ii, Nibiru maanin laivum ah minung te thi sek awnghnak ii ti ii.

2011 May ni 15 ah mit in Nibiru heh thil san bangin hmuh thil tuh ai, May 2012 ah mi veksen in hmu thil tuh ii. Nibiru in Ni heel tuh ai, ni 2hnak bangin hlapi tia in hmu thil tuh ii.

Cetin lailung ah roh ngaiin hlinhlin, tlangmaikaang te tlung tuh ai le nikhua hnawm tuh ii. 14 Feb 2013 ah Lailung heh Nibiru le Ni karlakah um tuh ai Lailung virdaan khai danglam sek tuh ai ni 3 lailung vir tuhlo ii. Cetin lailung vum ah hlivua sia, tlangmaikaang, hlinhlin le nikhua te roh ngai tuh ai laivum minung 2/3 thi tuh ii. Cetin laivum san thar pan tuh saal ai, ni 1 in siar pan tuh saal ti ii.

He thula heh NASA le mithiam te in ling napui bawmdun tuhdaan lamkhong umlo maanin dap neuin um ti ii.

Zuk: Solar System ah Niburu lamkhong

(2)Hnak

US in Burma Ruul daihlo hang

21 Jan: US in Burma ai saphai le ruul a ham pawl lang tuhlo hang ii. US ah hebang ramsa ngaw pawl in a ram ai thing le nunhnak pehdunhnak lam (Ecosystem) hnawm ruai ze maan ii. Zeimaan tifangin hebang ruul ngaw pui pawl heh amah te aitu ramsa umlo maanin ramsa dangte ci bo ruai sawn ai, laukul lam ah cang ti ii. Ciamaanin ruul ngaw pawl heh reek tuh ai ruul ci tlawm ruai tum hang ii. Ciamaanin ramdang dang ai ruul te khai US ah lang tuh nawnloin thu suah hang ii. Burma saphai ruul te heh a umhmun ram le nikhua heh nungpui ben baai ze ai, a umhmun ai ramsa te sawn heh ai sek de ti ii.

HRW in Burma ram hnawm thu phuang

21 Jan: Laivum dinhmun phuanghnak World Report ah Human Rights Watch (HRW) in 2010 Report phuang ai 2009 kum in 2010 kum pan tianin Burma ram ah minung dikhnak le covo hnawm aamaam thu phuang ii.

Burma Ralkap Acozah in a ram song ai mipui te heh fumfe ngaiin minun dikhnak le covo hnawm tuhin bawn ii tiin HRW in phuang ii.

HRW in hetih bang ai minung dikhnak le covo hnawm teng fangin a buaipuitu te khai harsahnak tam ngai tawk thu khai phuang ai, minung dikhnak le covo buaipuitu te heh bawm tuhin sawmhnak phuang fawm ii.

Burma in Vietnam thawn kho tete

21 Jan: Asean pawlkom ai 2010 kum Chairman pertu Vietnam ram thawn Burma heh nongdun tete hang ii.

Vietnam deputy ministers of foreign affairs and defense le Burma Prime Minister Gen Thein Sein heh Jan 15 nia ah Naypyidaw ah tawkdun ii. Burmese Foreign Minister Nyan Win khai Jan.13-14 nia ah Asean Political Security Community (APSC) meeting Vietnam ram ah kai tuhin feh ve ii. Burma ram ai General 3-hnak , Gen Shwe Mann, the joint chief of staff (army, navy, air force) khai Oct.

2009 kum ah Vietnam ram tlawn ii. Hetih bang ai Burma le Vietnam tawkdunhnak heh ram 2 in ralthuam lam le sumpaihnak lam ah thupui berah reltlang ii tiin thu thang ii.

UN ah Vietnam a poimawhhnak tu UN Secretary General ai Burma ram thula ah Vietnam heh rualpui 1 (Group of Friends of the UN Secretary- General on Burma) ii.

Editor hnenin.........

Siartu veksen, Zanniat Auaw hmangin 2010 kumthar hnuk ning sat ing. Tuntum heh Zanniat Auaw avai 13hnak i hang ii. January 2009 panin suah panhnak tunnia tian hetin suahthil leh saal maanin a nung Pathian songlawi tu seh. Zanniat Auaw heh NGO le Donor/Sponsor umlo napui Delhi ai Zanniat iittu khangthar te in sumpai lam harsa ngai kongin bawn panhnak ii. Tun tu Mizoram lam le ramsong lam tianin siar thil tuhin Aizawl ai um Zanniat iittu te maanin hetin mi tam sawn kut ah hleng thil tuhin um hang ii. Zanniat te in Laai lam (Literature) ah kin niam zo ai, mah pon khai thiamlo, mah pon khangso ruai hiamhnak thinlung khai nai benlo tam ngai hang ii sing. Zanniat Pon thiamlo maanin Zanniat ihnak khai kin paai tete hang ii.

Kin nong ber Falam/Laizo pon khai tunnia tian Grammer fumfe nailo maanin tunnia ah Zanniat laai le pon heh khangso ruai tuhin caan um lai ii.

Tunnai neu ah Zanniat mi 4 thawn i khualtlawnhnak thula com heh veksen lingpha tiin ruat maanin a hnia bangin ning rel ing.

Editor le rualpui te thawn khualtlawnhnak:

Editor thawn, veksen Zanniat mi 5 (nupang 2 tel) heh 24-27 January 2010 nia song Delhi in Dharamshala, Himachal Pradeh lamah tlawng ii. Dharamshala tu 25-26 Jan. nia ah um tlang ai, 27 Jan. zan ah Delhi hleng tlang saal ii. Editor thawn Delhi in Burma mi veksen 18 feh tlang ai, Burma Centre Delhi (BCD) te konghoihnak ii. Dharamshala ah a hmun ai umtu Tibet mi te in kin kilkhawl ai, ram le miphun ca napertlanghnak lamah Burma le Tibet te rualpui pha i tuh le ram 2 te luathnak tuh ah pertlang tuh poimawh thu heh thupuiber ah dah ii. Kin Burma mi te in Tibet lam mi poimawh le hmun poimawh ah 2007 kum ai Saffron Revolution thula Burma VJ video heh Tourist te le Tibet te siik ruaihnak nai ai video siik tlang hnua fangin thuzawtdunhnak le komdunhnak te thawn caan hmang tlang ii ing. Tibet te in pha ngaiin kin kilkhawl leek ilo ai, Burma ram dinhmun thula heh Dharamshala ai a kawitu ramdang mite hnenah le amah te hnenah kin relsah ii.

Tibet te Thuanthu com: Dharamshala heh 1959 kum dungah China in Tibet ram heh ralthuam hmangin do fangin Tibet te Buddhist biakhnak hotu ber le Tibet veksen hoitu ber Dalailama heh India ramah raltlan ai, tun umhmun Dharamshala ah India in umhmun pe ai umhnak ii. Kum thawng tam ngai mi kuthnia ah um awnglo, Buddist sakhua ai nunnemhnak nunphung thawn Tibet mi pasal veksen dawn heh Buddist phungki i sek ai, nupang te khai Buddist nungphung rori in khuasong ah khai tlangleng awnghnak China in ralkap tam ngai thawn Tibet ram heh China ram ah dah lio ii. Tibet heh China le Nepal ram karlak ah um ai, laivum ai lailung saang ber umhmun Himalaya vur tlangpui heh Tibet ah um ve ii.

Burma & Tibet, politics lamah kin dinhmun: Tuntum heh Burma VJ Video ai Burma ram phungki te in Burma ram danglam ruai nuam maanin 2007 kum ah mi thawng tam ngai pom tuar ai, thi tuarhnak heh Tibet te dinhmun thawn tam ngai bangdunhnak um ve ii. Tibet te khai China ralkap te hnia ah ui le ar bangin harsa ngaiin um ai, Buddist mi tlangtlang iittdunhnak thinllung nailo ii. Burma thawn a danglamhnak tu Tibet uktu heh China ii ai, Burma tu Kawl ralkap te ii. Inapui Kawl ralkap acozah heh China thawn dawrdun ze maanin mipui in China kut tuar pah ii.

Biakhnak lam: Buddhist biakhnak heh Himalaya vurtlang ram lam in lo pan hnak ii bangin Tibet thuanthu khai Buddhist biakhnak thuanthu thawn zomdun ii. Tunhlan kum thawng tam ngai panin Tibet mite heh Buddhist i sek ai, biakhnak heh nisiar nunphung ah hmang ii. Tibet pasal veksen dawn heh Monk (Phungki) i sek ai, Buddist nunphung in laivum ah nung te ii. Tibet te heh Buddhist ruh ngai i maanin Nonviolence (Thisan suakhnak telllo) hmangin China kuat in a ram luat ruai tum ii.

Ramleng dinhmun: China hnia ah Tibet um hnua fangin Tibet mi thawng tam ngai Tibet ram in Nepal ram ah tlan ai, India le ram dangdang ah raltlan in um ii.

China rorelhnak hnia in luat tuhin ramleng ah Mino pawlkom, Nu pawlkom le ramleng Tibet Acozah tian khai ding zo ai, Tibet nunphung le pon te khai Dharamsala ah Degree tian zirthilhnak College khai nai ii. Rampua Tibet acozah (Parliament) khai Dharamsala ah nai ai, department te khai khim ngaiin building inn dangdang ah nai sek ii. Tun Burma ram dinhmun thawn ruat fangin Burma Democracy ngah tuhin buaipui tu Party le Pawlkom te dinhmun siik fangin Tibet te lakah tu zak thi kuul ngai ii. Mi te in ram le miphun iittdaan le a per ngaingai daan te mak ngai ii.

Zanniat Laaihmai (3)Hnak iat Auaw Vol-2 Issue-1 : Jan 2010

Haiti ram ah Hlinhlin tlung saal

VOA 20 Jan: Haiti ram heh hlinhlin 7.0 magnitude in hlin dek ai, a ram pumpui veksen dawn hnawm sek zo ii. A hnuata ah magnitude 6.1 hlin leh ai Haiti ram khuapui Port-au-Prince in 59km dung in hlin pan ii. He thuthang lang nia tianin Haiti ram heh 12 Jan nia panin vai 40 dung hlinhlin hlin zo ii. He hlinhlin maanin mi 200,000 thi zo ii.

He siattawkhnak ah US in ralkap 11,000 kuat zo ai, US Tii lam ralkap 4000 le Marines te khai kuat bet tum ii. UN in khai Haiti ram humhimtu tuh ralkap 3,500 kuat zo ii.

Rong, tii le sii (Medicines) lam harsahnak thawn, mithi thawng tam ngai thawn Haiti ram in harsahnak tuar teng ii.

Curruption tam ber Afganistan

19 Jan: UN in laivum pumpui ram te dinhmun hlirhnak Report bawn ai laivum ah Afganistan ram heh Thupruak sumpai lang (Curruption) heh Afganistan ram heh a roh ber ii..

Daan loin sumpai langtu te heh Police, Daanthiam (Judges) te leek ilo ai Zuk: Antonio Maria Costa le Report acozah ai naper te tam ber ii ti ii. A ram pum ai mipui hrekhat heh nisiar thupruk in acozah lam naper te hnenah sumpai pe tio ii. Acozah lam naper te kut songah luthnak thupruk ai ngahhnak sumpai heh tam ngai ii.

$2.5 billion dung i tuh ii tiin UN Report in ngan ii. He UN Report ah thla 12 song ai ramri fehtlanghnak man te, Drugs lam sumpaihnak te, le minungzuar sumpaihnak te tianin tel sek ii.

He Report maanin Afganistan President Hamid Karzai heh London ah roh ngaiin Nooralhaq Nasimi (Afghanistan and Central Asian Association hotuber) in mawhthluk dek ii.

Hetih bang ai acohzah heh sumpai ai ze maanin mipui lam in rinsan lo ze hang ii. Hnuata ah tharum hmangin acozah lam dohnak tian khai suak thai ii tiin Antonio Maria Costa (executive director of the U.N. office on Drugs and Crime) in phuang ii.

US ah naper nailo tam tete

28 Jan: 2010 kum December thla songa ah US ai State 43 ah naper nailo mi tam aamaam ii. Rampum sumpaihnak lam khai cetih ngaingaiin mipui te naiper nailo te harsahnak bawm ben lailo tihnak lar ruai ii.

Delaware, Florida le North & South Carolina ah naper nailo dinhmun saang ngai ii. New Jersey heh kum 33 songah a saang ber ii, New York khai kum 26 songah a saang ber ii.

Naper nailo in a buai rai ber California State khai mi 38,800 in naper nailo ii. Inapui tun dinhmun ah mi 107,000 te heh naper pe ben hang ai naper nailo dinhmun khai zia deuhin um ii.

December thla songah mi 600,000 in naper nailo in um ii.

Indonesia mipui in Acozah daihlo

28 Jan: Indonesia ah acozah thar in ni 100 rorel hnua ah mi thawng tam ngai in acozah vumah anglohnak daak ruai ii. Mipui in Indonesian President Susilo Bambang Yudhoyono le a naper pui ministers te com tuhin au ii.

Kutnaper pawl khai China thawn Indonesia sumpaihnak lamah relcathnak ASEAN-China FTA (Free Trade Agreement) thu ah aanglo ai, he daan hmang lekhaw Indonesia kutnaper te heh thlahlawh tlawm niu leek ngah tuh ii ti ai acozah vumah aanglohnak daak ruai ii.

ICC ah Sweden President

28 Jan: Laivum ai minungrek thula ah thurelcathnak saang ber ICC (International Criminal Court) in Sweden ram President Omar Hassan al-Bashirheh Dafur buaihnak ah a thula rel tuh ii. UN in Dafur thula ah 2003 kum panin mi 300,000 rek tuar zo ai, tun 2.5 million camp ah um ti ii.

F-15 hnak in Eurofighter pha sawn

26 Jan: NATO ram pawl vanzuang lam ralthuam Training nai ai US ai F-15 jetfighter te hnakin Europe te ai Typhoon Jetfighter te heh pha sawn thu hmusuak ii. Euro vanzuang 1 in F-15 vanzuang 4 kaap tlok ben ii. He vanzuang raltawng Training heh Gando Air Base, Gran Canariahiang ah bawn ii.

F-15 heh 1980 dung ai US in bawnhnak ii. Tuntum Training ah US in F-22 te le vanzuang thar te hmanglo ii. US Senate te in khai F- 22 heh lungkhim thu Vote zo ii. F-22 heh 187 bawn zo ai, $60 billion hnakin tam sawn sumpai bo zo ii. Tunteng ah US in F-35 khai tawlrel teng ii ai, 2014 kum hlan tu a kul zat F-35 vanzuang bawn ben tuhlo thu thuthang ah phuang ii.

Global Warming maan Laivum dap

13 Jan: Lailung hlivua hnawm ze hang maanin nikhua khai tunhlan bangloin danglam ngai hang ii. He Laivum Lumhnak (Global Warming) maanin tun dung heh lailung pum ziat lam hrekkhat heh roh ngaiin khua dap ai vur tam ngai ii. Vur heh China, Russia, Europe le US ram phairawn lam tian khuh ben ii.

Khua dap ze maanin India ah mi tam ngai thi ai, Beijing khua khai mer thilloin um ruai ai, Florida ai Ser (Orange) vuan te khai hnawm ruai ben ii.

Chicago te khai khua dap ze maanin thi dawn ai, Paris khai Siberian hlivua dap roh ngaiin tuar ii. Italy khai vur co kuul ai, Poland ah khai a tlawm ber mi 13 thi zo ai a khua dap daan heh - 25oC (-13oF) ii.

Asia ram ziat lam ram ah vur roh ngaiin in tlok ai, kum 60 songah a tam ber ii. Korea khuapui Seoul khai vur heh 25centimeter (10 inch) tian khuasong khuh sek ai 1937 kum hnua lamah tun heh a roh ber ii.

Global Warming maanin lailung heh saa tete maw dap aamaam tihnakkhai mithiam te roh ngaiin eldunhnak nai teng ii.

Britain heh Misualral umhmun

31 Jan: Laivum ai vanzuang lam misualral te heh London ai um Islamist te ii tiin mithiam te in hmusuak ii.

December 2009 ah Northwest Airlines Flight 253 bomb tum khai a thu zingzoi ai London ai um thu hmusuak ii. He thu hmufianghnak hnak te maanin al Qaeda heh Pakistan le Yemen ai a Islam te mer ruai bangin US lam le UK lam ai mi te khai hmang ben ii tihnak hmusuak ii. UK in UKbased terrorists have carried out operations in Pakistan, Afghanistan,

China in Cyber Raldohnak lam buaipui

22 Oct 2009: China in Internet lam roh ngaiin buaipui ai, Cyber hmangin raldohnak (Cyberwarfare) lam roh ngaiin tawlrel teng ii. He tumtahhnak heh US intelligence te ai thuthup te internet hmangin lang tuhin tumtahhnak ii. He Cyberwarfare hrangah acozah in sumpai tam ngai hmang hang ii.

Kenya, Tanzania, Saudi Arabia, Iraq, Israel, Morocco, Russia, Spain le United States te heh lo buaipui de ii.

Hetin UK heh al Qaeda milian le mithiam te umhmun pui i zo maanin British acozah khai buai ngai ii.

Zanniat Vol-2 Issue-1 : Jan 2010 iat Auaw Laaihmai (4)Hnak

TITENG THULA LING PHA

Thilnung ke 6 nai (Insect) te lakah van ah zuang sang ber le comloin zuang hla ber heh Titeng (Dragon Fly) ii tiin Maldives ai mithiam te in ti ii. He thula heh dik lekhaw a burpuiin tipuithuanthum ralkhat lamah umhmun thawn ben ber insect lakah Titeng i tuh ii.

Titeng te heh aicaankulhnak tam ngai nai ii.

Hla ngai zuang ben: Maldives tikulh ram heh India ram song lam in 500-1000km dung ah tipuithuanthum ah um ii. Tikulh ram khai 1200 dung um ii. He ram ah ti thianghlim ding pha umlo ii.

Maldives ah Titeng te heh a bur pui in October thla ham pan fangin India ram in hleng pan ai, November le December ah tam ber de ii. Ciahnua ah paai sek ai ciahnua ah April le June thla lamah Titeng hmu pha um saal de ii.

Maldives ah Titeng te heh India in hleng ii. Kilometer 600-800 kau hnak tipui kaan ii. October thla dung ah hlivua heh India lam pan ai, he Titeng te heh kon tih bangin Maldives hleng ben ii tihnak heh aaicaankul ngai ii.

Inter-tropical Convergence Zone (ITCZ) tihnak hlivua heh he thla dung fangin Maldives lamah zuang ai, he hlivua lamkhong ah India pahtlang ve ii. Ciamaanin Titeng te heh he hlivua zunzunin van ah 1000m saang hmun ah zuang ai, Maldives ah hleng de ii. India in nazi 24 song ah Maldive hleng ben ii. Second 1 ah meter 10 zuang ben tihnak ii. Titeng tam sawn heh India in 2700km dung zuang ai Maldives ai hmun hla sawn tian heh 3800km tian khai Titeng te hleng ben ii. He Titeng te heh Maldives ah hlenghnua fangin Africa ram lam tian zuang saal ai Uganda ram ah kumsiar March-April le Setember thla ah hmu pha um de ii. Tanzania le Mozambique ram lamah khai December le January thla ah Titeng hmu pha um tio de ii.

Record Bawntu: Hetin Titeng te heh India in Maldives le Africa lam tian in zuang hnua fangin India lamah let saal de ii. Hetin 14,000-18,000km tian zuang de ii. Titeng te heh ruahti tlinghmun ai ti lakah a tii tii de ai, India ram le Africa ram lam ai fur-ruah (Monsoon rain) te kawi tuh caan thawn remcang tuhin iang thiam ii.

Monarch Butterfly tihnak Pelep phun 1 heh kum 1 ah Maxico in Canada ram veilam (Southern) tian umhmun thawn de ai 7000km zuang de maanin thilnung ke 6 nai (Insect) te lakah zuang hla ber tiin hming thang awng ii.

Hetih bang ai insects te hmun 1 in hmun dangah umhmun thawn de maanin vaniu van sang ai a zuang te heh he insencts te ai kongin ram hla ngaingai hleng ben i tuh ii tiin mithiam te in ruat ii.

Ramdang ai Zanniat te in Bawm

Burma ram harsa maanin ramdang dangah Zanniat te hleng zianzo hang ii. Ramdang ah umnapui ram le miphun iitthnak thinlung le Pathian daihhnak thinlun heh paai cuanglo ii tihnak khai tun bang ai bawm tlang le pertlanghnak te hmu fangin fiangruai ngai ii. Rampua ai Zanniat harsa te bawmtu le ramsong lam bawmtu a tam ber heh Delhi in ramdang hleng Zanniat te ii. Ramsong ai Zanniat Christian Pawlkom (ZCP) in Camping- Crusade te, Christian Labu te le Gospel Concert te bawn fangin ramdang ai um Zanniat te in sumpai khon tlang ai bawm de ai, Delhi le Aizawl lamah Zanniat te kulhnak te khai vai tam ngai bawm zo ii.

Tunnai niu, 18 Dec 2009 nia ah Delhi ah Zanniat Christian Fellowship (ZCF) ding pan ai ramdang ai um te in tam ngai bawm ii.

ZCF Delhi ca ramdang te bawmhnak:

Australia : Rs. 31,450

Norway : Rs. 28,018

Sweden : Rs. 3,000

Ramsong ai Lumte khua laimin maanin khua thawnhnak tuh ah Norway ai Zanniat te in Rs. 349,998 kuat zo ai, ramsong lam Gospel Concert ai Video bawnhnak tuh ah Rs. 4,000 kuat zo ii.

Football Thuthang

Dt 27/01/2010 Zanlai ah Red Devill le a mikhual Manchester City te in Carling cup Semi final scond leg sirh le 3:1 in innteek Red Devill cak ii, semi final first leg ah Manchester United te heh 2:1 in caklo napui ai scond leg ah 3:1 in cak leh maan in 4:3 agreegate in United heh final lut le Febuary 28 ah Astonvilla thawn Wembly stadium ah final sirh tuh ii. Manchester United le Aston Villa te heh 1994 kum finaklo tawk duunzo ai Villa te 3:1 in lo cak awng ii.

City te heh coach Roberto Mancinihnia ah khangso ngai ai Old Trafford ah cakben tuh in umsin hnak nai khalkhaw United heh Coach hmingthang Sir Alexferguson kilkhawl hnak hnia ai um imaan in star player naikhalhlah khaw premier league ah khai acunglam ah um ben tio ai adin hmun heh niam ngaingai awnglo ii, He mi te team hnih heh Manchester khuakhat ai um inapui ai zaikom inkhai remdun awnglo ii, Hetih bang ai final lut thiltuh ai nehhnak goal thun tu Rooney heh Sir Alexferguson in a aan hnak ah tunlai tu adinhmun heh phangai ii, tunzan ah khai Hull City thawn asirh teng ai goal 4 athun hnak tah in phasawn ii ti ii.

Tun dinhmun ah Manchester United heh EPL lam ah vai 24 sirh zo ai point 53 hmu le Chelsea te in vai 22 sirh ah point 54 hmu ii.

ZYO in Aizawl ah mi harsa bawm

Aizawl ai Dt.10/01/2010 nia ah Aizawl ai Pa Run Khup te inn mai kaang ai, insang ca ah ZYO-ZMP Mizoram Unit hming in tuarpui zialangruai hnak in Rs.1000/- pe ai Pathian hnen ah sawngensahhnak thawn bawm tlang ii. Amah Run Khup te insang heh fate pa (2) nai ai mi pali khuasa in awm tlang ii.In sawng thilri te zai khai suah manlo ai a veksenin kaang sah sio ii. Maikang thawhhmun heh aisu in khai ciangngaiin lingtu omlo ai coka (Kitchen) lamin suak ai kaang i tuh ii tiin mi tamsawn in um tlang ii.

Aungsan Suu Kyi hlat tuh

15 Jan: Burma ralkap acozah Home Minister Major General Maung Oo in Jan. 21 nia ah 2010 kum bo dawn November thla dungah hlat tuh thu Kyaukpadaung, Yangon in 565 km (350 miles) ah mipui tam ngai hmai ah phuang ii.

Suu Kyi heh kum 15 thawngto zo ai, US mi a inn ah lut thula maanin thla 18 thawng to bet tuhin 2009 Aug. thla ah a thula relcat sah hnak um ii.

Manchester khuakhat ai um inapui ai zaikom inkhai remdun awnglo ii, Hetih bang ai final lut thiltuh ai nehhnak goal thun tu Rooney heh Sir Alexferguson in a aan hnak ah tunlai tu adinhmun heh phangai ii, tunzan ah khai Hull City thawn asirh teng ai goal 4 athun hnak tah in phasawn ii ti ii.

Tun dinhmun ah Manchester United heh EPL lam ah vai 24 sirh zo ai point 53 hmu le Chelsea te in vai 22 sirh ah point 54 hmu ii.

Award ngah tam ber Beyonce

1 Feb: Vai 52hnak Grammy Award ah Laa le Laam thiam Beyonce heh ward 6 ngah ai, a tam ber dongtu ii. Inapui kum 1 song ai Album pha tu Tylor Swift ai “Fearless” Album in ngah ii.

Published by: Zanniat Youth Organization-Zanniat Mino Pawlkom (ZYO-ZMP)